عوضوك بغيابي ؟؟؟

من طرف **Al Raha** 23.07.08 23:11

[ندعوك للتسجيل في المنتدى أو التعريف بنفسك لمعاينة هذه الصورة]

هذه قصيده جميله لسمو الشيخ حمدان بن محمد بن راشد آل مكتوم

ولي عهد امارة دبي

عَوّضوك ْبغيابي لا تقول انّي َوحَشْتـك

لا تجاملْ دخيلك فـي شعـور يْعَنينـي

بَسّ يكفي كفايـه لا تمـادى عَرَفْتـك

خَاين الحب مَا له في فـوادي حَنينـي

إنت ياللي بعيني حِلْم عمري رسَمْتـك

وكيف تجرح خفوق يعشقك من سنيني

أحسبه زاد حبّي في غيابي وْحسَبْتـك

ما تجاهَـلْ وِدَادٍ كـان بينـك وْبينـي

كَم سَهَرت الليالي وكم ليلـه سَهَرْتـك

وكم ليله خَيَالك نام في وسـط عينـي

وكم قل لي دخيلك كـم ليـل اْنتظَرتـك

كم قل لي تِفَضّل، كـم صَـدّك يجينـي

كنت تجري بْدَمّـي لا نزَفْتـه نزَفْتـك

كنت ساكن خيالي، داخلـي مِحتوينـي

من كتَبْ الحـروف الأبجديّـه كتبتـك

"لامَه" إن كان تبغي أوَّلْ الحرف "سيني