..:: البوقالة : أعقد وانوي ::..

من طرف **Malina** 20.07.09 23:17

[ندعوك للتسجيل في المنتدى أو التعريف بنفسك لمعاينة هذه الصورة]السلام عليكم ورحمة الله تعالى وبركاته[ندعوك للتسجيل في المنتدى أو التعريف بنفسك لمعاينة هذه الصورة]

إخواني أخواتي في الاسلام

أسعد الله قعدتكم..وزين الله سعدكم بالمسرات

[ندعوك للتسجيل في المنتدى أو التعريف بنفسك لمعاينة هذه الصورة]

في هذا الموضوع.. وددت أن أعرفكم بتقليد وعادة جزائرية قديمة.. لازالت إلى اليوم رفيقى السهرات الملاح في الجزائر

تتسلى بها الفتيات وتتفاءل بها

إلا وهي البوقالة

فماهي البوقالة؟ وماهي طقوسها ؟

queen

ناخد اناء من الطين اسمو البوقالة و نضع فيه اوراق مكتوب فيها كلام بالمعاني

و كل واحد ينوي شخص في بالو و يحمل ورقة و يقرا حظو مع هذا الشخص

سواء قريب او صديق او خطيب او زوج

Wink

طبعا يكون ذلك الكلام متناسقا وأشبه بالشعر

ويكون باللهجة الجزائرية

كلام شاعري ورومنسي.. يدخل السرور إلى قلوب الفتيات فيمرحن ويتمازحن فيما بينهن

ولكي يكون المعنى أيسر..

سأضع مجنوعة من البوقلات إن شاء الله في المرات القادمة

وشوفوا فالكم وفلفالكم

دمتم بود

:UHIF: :UHIF: :ryuytr: :UHIF: :UHIF:

من طرف **mona2010** 21.07.09 0:30

جميل يامالي
حلوه قوي اللعبه دي
عندنا لعبه تشبها
في انتظار جديدك

من طرف **r brigad** 21.07.09 6:36

السلام عليكم

لعبة جيدة تعرفت على شيء جديد فالتقاليد الجزائرية
وننتظر الأمثلة :)

تحياتــــي

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **Al Raha** 21.07.09 15:30

فكره حلوه

و لعبه جميله

شكراا لك ماالي

من طرف **سلمى** 21.07.09 17:25

أوو بنت بلادي كنت نحوس عليهم يا عمري
رانا نستنوا فيهم وإذا حبيتي عند مجموعة نشارك بيهم أمبعد ؟؟؟

من طرف **samir_siari** 21.07.09 22:42

للأسف أنا لا أعرف هذه العادة في منطقتنا.. وأنتظر الأمثلة من عندك مالينا.
دمتي وفية

من طرف **فيصل** 22.07.09 17:12

حـلو حـلو ..

تحياتي

من طرف **Malina** 03.08.09 21:47

[ندعوك للتسجيل في المنتدى أو التعريف بنفسك لمعاينة هذه الصورة]

هذه اللعبة من تراثنا الجزائري وهي لعبة قديمة جدا يحبها كل الجزائريين فهي "تحلي القعدةالدزيرية"

قعدات البوقالات :

من قلب الجزائر اقدم لكم البوقالة هي لعبة قديمة من التراث الجزائري العاصمي حيث النساء يتفنن في ابتكار امثال و حكم على الطريقة و اللهجة الجزائرية و كانت و لازالت تلعب خاصة في مناسبات اين يتجمع فيهنه النساء كسهرات الاعراس او اي مناسبة مفرحة او مثل سهرات رمضان ( السهرات الرمضانية )

التي تنتظم في العادة داخل البيوت حيث تتكفل إحداهن باستضافة جمع من النسوة أغلبهن عازبات حول أطباق الحلوى والشاي، وتقوم بتحضير إناء فخاري (يسمى بوقالة) وتضع فيه قليلا من الماء، ثم تطلب من كل واحدة منهن نزع خاتمها ووضعه داخل الإناء، ثم يتم تغطية الإناء بقماش ناعم.

و تكمن متعة البوقالات حسب اسقاط معاني تلك الأشعار الشعبية أو الألغاز التي تلقيها في العادة عجوز طاعنة في السن على النسوة الحاضرات، وتقضي قواعد اللعبة ان تنوي البنات عقد النية على شخص و ان يعقدن جزء من ملابسهن سواء الخمارهن او حزام التنورتهن ....

تقومالعجوز بقول بوقالة وكل البنات مصغيات فاذا كانت البوقالة جميلة وفالها حلو تجد كل الفتيات متشوقات حتى يعرفن من صاحبة البوقالة الجميلة وكل وحدة تتمنى تكون هي صاحبتها

واذا كانت البوقالة كلامها فال سىء او حزين فتجد كل واحدة خائفة من ان تكون هي صاحبة البوقالة ....
بعد الاستماع تخرج إحداهن او احدا البنات الصغيرات خاتما من اإناء-البوقالة، و تقع البوقالة على صاحبة الخاتم .
هذه اللعبة من تقاليد و التراث الجزائري و لا زالت متداولة حتى الان و في بعض الاعراس اصبحوا يقدمون البوقلات في وريقات صغيرة توضع في قفيفة صغيرة و يوزعنها على البنات و النساء الحاضرات كتسلية في الاعراس و كل واحدة تقرأ فالها و انا انبها لعبة فقط لانه هنالك من يعتقد من الشعوب الاخرى انها شعوذة

اليكم بعض من البوقالات و كل واحد ة و فالها الي يفتح اللعبة يختار الحرف الأول من اسمه أو حرف الشخص الذي يريد أن ينوي عليه البوقالة ..بعدما يعقدوا بالاول و و ينويها على شخص سواء قريب منك او بعيد او تحبوه .....الخ
وكيما نقولو احنا اعقد و نوي

1**باسم الله بديت ..و على النبي صليت ...وعلى أصحاب الأسماء ألي تبدأ بالباء هذى البوقالة نويت...

هبطت لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.

وحكمتكم : بئس الطعام الحرام

:^^^^: :^^^^: :^^^^:

2**باسم الله بديت ..و على النبي صليت ...وعلى أصحاب الأسماء ألي تبدأ بالتاء هذى البوقالة نويت...

لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى.
و حكمتكم :تجنب شؤم الهزل ، و نكد المزاح.

:rtt: :rtt: :rtt:

3**باسم الله بديت ..و على النبي صليت ...وعلى أصحاب الأسماء ألي تبدأ بالثاء هذى البوقالة نويت...

طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس .

و حكمتكم : ثمرة العلوم العمل بالمعلوم.

:^^^^: :^^^^: :^^^^:

4**باسم الله بديت ..و على النبي صليت ...وعلى أصحاب الأسماء ألي تبدأ بالجيم هذى البوقالة نويت...

رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.
و حكمتكم : جد بالكثير ، واقنع بالقليل

:rtt: :rtt: :rtt:

5**باسم الله بديت ..و على النبي صليت ...وعلى أصحاب الأسماء ألي تبدأ بالحاء هذى البوقالة نويت...

مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .

و حكمتكم : الحازم من كتم سرّه

:^^^^: :^^^^: :^^^^:

6**باسم الله بديت ..و على النبي صليت ...وعلى أصحاب الأسماء ألي تبدأ بالخاء هذى البوقالة نويت..

يما يما ديريلي تويقة في وسط الحديقة باش نشوف زهرى كي تجيبو ذيك الوريقة.

و حكمتكم : الخَرَسْ خير من الكذب

:rtt: :rtt: :rtt:

7**باسم الله بديت ..و على النبي صليت ...وعلى أصحاب الأسماء ألي تبدأ بالدّال هذى البوقالة نويت..

ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .

و حكمتكم : دُل على الجميل بجميل خلالك

:^^^^: :^^^^: :^^^^:

8**باسم الله بديت ..و على النبي صليت ...وعلى أصحاب الأسماء ألي تبدأ بالراء هذى البوقالة نويت...

عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.
و حكمتكم :ربما أراد الأحمق نفعك فضرّك

:rtt: :rtt: :rtt:

9**باسم الله بديت ..و على النبي صليت ...وعلى أصحاب الأسماء ألي تبدأ بالزّاي هذى البوقالة نويت...

الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.
وحكمتكم : زين النّطق الصّدق .

:^^^^: :^^^^: :^^^^:

10**باسم الله بديت ..و على النبي صليت ...وعلى أصحاب الأسماء ألي تبدأ بالسين هذى البوقالة نويت...

خرت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .
و حكمتكم : سرور الدنيا كأحلام النائم .

:rtt: :rtt: :rtt:

11**باسم الله بديت ..و على النبي صليت ...وعلى أصحاب الأسماء ألي تبدأ بالشين هذى البوقالة نويت...

الناس تنده بالرجال و الوالي ، وانا ننده بربي العالي .
وحكمتكم : الشكاية سلاح الضعفاء .

:^^^^: :^^^^: :^^^^:

12**باسم الله بديت ..و على النبي صليت ...وعلى أصحاب الأسماء ألي تبدأ بالصاد هذى البوقالة نويت...

حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.
و حكمتكم : صداقة الجاهل تعب .

:rtt: :rtt: :rtt:

13**باسم الله بديت ..و على النبي صليت ...وعلى أصحاب الأسماء ألي تبدأ بالضاد هذى البوقالة نويت...

كلام على كلام و الكلام على سقيلة ، العين في العين و الدّعوة مقبولة.

و حكمتكم : ضالة الكريم حسن الثّناء.

:^^^^: :^^^^: :^^^^:

14**باسم الله بديت ..و على النبي صليت ...وعلى أصحاب الأسماء ألي تبدأ بالطاء هذى البوقالة نويت...

يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .

و حكمتكم : طوبي لمن شغله عيبه عن عيوب الناس

:rtt: :rtt: :rtt:

15**باسم الله بديت ..و على النبي صليت ...وعلى أصحاب الأسماء ألي تبدأ بالظاء هذى البوقالة نويت...

محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا .

و حكمتكم :ظلم الضعيف أفحش ظلم

:^^^^: :^^^^: :^^^^:

16**باسم الله بديت ..و على النبي صليت ...وعلى أصحاب الأسماء ألي تبدأ بالعين هذى البوقالة نويت...

لزّيت لباب الرياض ، الورد عالباب النرجس باسني ، الزهر عنقنى ، و الياسمين ما بغَ يكلمني .

وحكمتكم : العين بريد القلب .

:rtt: :rtt: :rtt:

17**باسم الله بديت ..و على النبي صليت ...وعلى أصحاب الأسماء ألي تبدأ بالغين هذى البوقالة نويت...

قطّعت اللحم بيدى و عملت بذور ، و سمعت الكلام بوذنى و عرفت من قالو ، يا قايلين الكلام القبيح واش تربحوا ، أنا طاوس في القصر و انتم خفاش النهار ما يضوالو.

و حكمتكم : الغفلة غرور.

:^^^^: :^^^^: :^^^^:

18**باسم الله بديت ..و على النبي صليت ...وعلى أصحاب الأسماء ألي تبدأ بالفاء هذى البوقالة نويت...

جزت على جنية ، قالت لي واش تحوسي يا ولية ، قلت لها مانى نحوّس لا على ما ولا على جاه ، نحوس على من ضيّعت يولي لي .

وحكمتكم : الفقه جيش لا يهزم

:rtt: :rtt: :rtt:

19**باسم الله بديت ..و على النبي صليت ...وعلى أصحاب الأسماء ألي تبدأ بالقاف هذى البوقالة نويت...

جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني.

وحكمتكم : القريب من قَرُبَ نفعه.

:^^^^: :^^^^: :^^^^:

20**باسم الله بديت ..و على النبي صليت ...وعلى أصحاب الأسماء ألي تبدأ بالكاف هذى البوقالة نويت...

امّنت بالله ، و المنام رؤية من عند الله ، حمامة بيضة جات ترفرف عليّ ، معاها حصان توقّف بين يديّ .

وحكمتكم: كرام الناس أسرعهم مودّة.

:rtt: :rtt: :rtt:

21**باسم الله بديت ..و على النبي صليت ...وعلى أصحاب الأسماء ألي تبدأ باللام هذى البوقالة نويت...

نبعث لكم دموعى في مشوار زرق ، و نبعث كلامي في برية تحرق ، ما ننساكم يا ناسى بحق مكة و بلاطها لزرق.

وحكمتكم : لين الكلام قيد القلوب.

:^^^^: :^^^^: :^^^^:

22**باسم الله بديت ..و على النبي صليت ...وعلى أصحاب الأسماء ألي تبدأ بالميم هذى البوقالة نويت...

سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .

و حكمتكم : المشقة كلها في تأديب الجاهل .

:rtt: :rtt: :rtt:

23**باسم الله بديت ..و على النبي صليت ...وعلى أصحاب الأسماء ألي تبدأ بالنون هذى البوقالة نويت...

خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .

و حكمتكم : النفس مولعة بحب العاجل .

:^^^^: :^^^^: :^^^^:

24**باسم الله بديت ..و على النبي صليت ...وعلى أصحاب الأسماء ألي تبدأ بالهاء هذى البوقالة نويت...

خرجت بدر البدور تتزعبل في المور ، تلقت هذوك الشعور ،على الخد إلى ينوّر مثل التفاحة.

وحكمتكم : هيهات من نصيحة عدوّ.

:rtt: :rtt: :rtt:

25**باسم الله بديت ..و على النبي صليت ...وعلى أصحاب الأسماء ألي تبدأ بالواو هذى البوقالة نويت...

دارنا في الجبل ، مقابلة مكة ، مفتاحها من ذهب ، يشعل ما يطفي .

وحكمتكم : الوحدة خير من جليس السّوء

:^^^^: :^^^^: :^^^^:
[ندعوك للتسجيل في المنتدى أو التعريف بنفسك لمعاينة هذه الصورة]

من طرف **r brigad** 03.08.09 22:10

بارك الله فيك مالينا
استمتعت بقرائتها
وباللهجة

تحياتـــي

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **سلمى** 07.08.09 21:13

حلويييييييييييييييين مالي
يسلم يدك

من طرف **mona2010** 07.08.09 22:50

الله يامالي
كلام جميل
وحكم جلوة
تسلمي ياغاليه

من طرف **Malina** 23.09.09 2:02

mona2010 كتب:جميل يامالي
حلوه قوي اللعبه دي
عندنا لعبه تشبها
في انتظار جديدك

تسلمي على المرور الرائع غاليتي

إن شاء الله يكون هنالك الجديد مستقبلا

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **Malina** 23.09.09 2:04

r brigad كتب:
السلام عليكم

لعبة جيدة تعرفت على شيء جديد فالتقاليد الجزائرية
وننتظر الأمثلة :)

تحياتــــي

[ندعوك للتسجيل في المنتدى أو التعريف بنفسك لمعاينة هذه الصورة]

وعليكم السلام

أهلا جنرال

نورتالموضوع

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **Malina** 23.09.09 2:05

Al Raha كتب:فكره حلوه

و لعبه جميله

شكراا لك ماالي

العفو

سررت لأن الموضوع أعجبك

نورت

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **Malina** 23.09.09 2:07

سلمى كتب:أوو بنت بلادي كنت نحوس عليهم يا عمري
رانا نستنوا فيهم وإذا حبيتي عند مجموعة نشارك بيهم أمبعد ؟؟؟

تاع الصح..

ماذابيا نشوف البوقالات ديالك

شكر لمرورك الرائع

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **Malina** 23.09.09 2:15

samir_siari كتب:
للأسف أنا لا أعرف هذه العادة في منطقتنا.. وأنتظر الأمثلة من عندك مالينا.
دمتي وفية

هذه اللعبة ظهرت بالجزائر العاصمة

ولكم أظن أنها عمت في كل الجزائر ولا يكاد عرس يخلو منها

تحياتي العطرة لك

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **Malina** 23.09.09 2:18

فيصل كتب:حـلو حـلو ..

تحياتي

نورت يا فيصل

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **Malina** 23.09.09 2:21

r brigad كتب:
بارك الله فيك مالينا
استمتعت بقرائتها
وباللهجة

تحياتـــي

[ندعوك للتسجيل في المنتدى أو التعريف بنفسك لمعاينة هذه الصورة]

وفيك بركة جنرال

يسعدني انها أعجبتك

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **Malina** 23.09.09 2:22

سلمى كتب:حلويييييييييييييييين مالي
يسلم يدك

الله يسلمك

نورت

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **Malina** 23.09.09 2:24

mona2010 كتب:الله يامالي
كلام جميل
وحكم جلوة
تسلمي ياغاليه

الله يسلمك

دوما منورة الموضوع

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **أَمِين** 23.09.09 14:21

باللهجة تاعنا نقولك يا مالينا : راكم واعرين يا الشيرات ، ديروا بوقالات رواحكم و حنا الشاشرة كلانا بوبي؟

ديرولنا حنا تاني بوقالات نستفالوا بيهم هههههههههههههه

من طرف **Malina** 23.09.09 18:03

أَمِين كتب:باللهجة تاعنا نقولك يا مالينا : راكم واعرين يا الشيرات ، ديروا بوقالات رواحكم و حنا الشاشرة كلانا بوبي؟

ديرولنا حنا تاني بوقالات نستفالوا بيهم هههههههههههههه

هههههه

هذاك الشي شغلكم..واش مامنع عليكم ديرو بوقالات [ندعوك للتسجيل في المنتدى أو التعريف بنفسك لمعاينة هذه الصورة]

أشكر مرورك [ندعوك للتسجيل في المنتدى أو التعريف بنفسك لمعاينة هذه الصورة]

من طرف **أَمِين** 23.09.09 19:15

ياك؟ نتوما عملوا بوقالات و حنا الرجال نعملوا بقاريج ههههههه

نديروا بوقالة زوجة الجمعي فاميلي اللي نواتها الهوارية من قالت زوجة الجمعي لوليدها : الله يعطيك كيا ، هي نواتها السيارة kiaعلى قادة زوجها هههههه

من طرف **biba** 13.10.09 16:34

البوقالة
من لا يعرفها
أصبحت تقام حتى في أعياد الميلاد
حتى أنهم قدموها في التلفزة الجزائرية
كحصة أسبوعية كل يوم جمعة

سعيدة بتقديمك هدا الموضوع
Mali

شكرا كثيرا

من طرف **Malina** 28.10.09 23:33

أَمِين كتب:ياك؟ نتوما عملوا بوقالات و حنا الرجال نعملوا بقاريج ههههههه

نديروا بوقالة زوجة الجمعي فاميلي اللي نواتها الهوارية من قالت زوجة الجمعي لوليدها : الله يعطيك كيا ، هي نواتها السيارة kiaعلى قادة زوجها هههههه

ههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

إن شاء اله برك ما يتقلبوش البوقالات علينا

من طرف **Malina** 28.10.09 23:35

fleursrosa كتب:البوقالة
من لا يعرفها
أصبحت تقام حتى في أعياد الميلاد
حتى أنهم قدموها في التلفزة الجزائرية
كحصة أسبوعية كل يوم جمعة

سعيدة بتقديمك هدا الموضوع
Mali

شكرا كثيرا

فعلا

أصبح الجزائريون يعودون للتراث ويحييونه

ويمارسون التقاليد بشكل أكثر تحضرا

وماكاش كيما التقاليد الايجابية

يزينو القعدة ويحليوها

شكرا لمرورك

تحياتي

[ندعوك للتسجيل في المنتدى أو التعريف بنفسك لمعاينة هذه الصورة]

..:: البوقالة : أعقد وانوي ::..

..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..

رد: ..:: البوقالة : أعقد وانوي ::..