:)*"ملتقى الأعضاء"*(:

[ندعوك للتسجيل في المنتدى أو التعريف بنفسك لمعاينة هذا الرابط]


كيفكم..سلمى راكي مليحة

كيفك جنرال و منى و كيفكم جميع؟

السلام عليكم

كيف الحال؟

السلام عليكم
أنا الحمد لله كيف حالكم أنتم؟

الحمد لله بخير

كيف حال الجاملة و الإضراب

و كبف حال الطلبة الثلاث؟

ما درسنا اليوم مازال الإضراب يمكن في الغد ندرس
أما الطلبة الثلاثة واحد منهم في حال حرجة
على كل حال الله يشفيهم
مالي أنا أقدر لك سؤالك على الطلبة المصابين و أحييك على روحك الانسانية
الله يجزيك كل خير

الله يجزيك الفردوس الأعلى

الله يشفيهم يا رب و إن شاء الله يشفون مما أصابهم بسرعة و ما يكون عندهم أي تشوه مستقبلا

الله يكون في عون جميع الطلبة

أتمنى فعلا يستمعوا لمطالبكم لأنو فعلا هناك تقصير يجب أن يعوض

إن شاء الله ما يكون إلا الخير

أباغ صا

صافا؟؟؟

أباغ صا

مالي مافهمتش واش تقصدي بهاد الحروف

ههههههه

سمحيلي موالفين مرة على مرة نهدرو français cassé

j'ai dis: à par ça

طبعا قصدي هل من جديد و أخبار أخرى؟

اسمحيلي مالي ما فهمتها كيكانت مكتوبة بالحروف العربية
و نقلك آباغ صا كلشي مليح الحمد لله
:vic:

الحمد لله

بشوية بشوية تتعلمي فرونسي كاسي هه

السلام عليكم
أهلا مالي واش راكي اليوم
قريتي أنا قريت

و عليكم السلام

واش راكي حنونة لاباس؟

لالا مقريتش ليوم journée libre

حقا تقراي بيولوجي

؟

لا مالي أنا نقرا agronomie (علوم فلاحية أوالزراعة )

أهاااااا...ما شاء الله

ربي يوفقك حنونة...هذي سنة أولى صح؟ راني شافية نهار لي جبتي الباك خخ

صافا عجبك الحال في الجامعة و لا الليسي خير؟

صح أنا في السنة الأولى
الحمد لله راو عاجبني الحال في الجامعة
غير في شوية حوايج

مليح كي عجبك الحال

أنا عامين و نص و مزال ما والفت دايما نهرب هههه

الله غلب منحبش الجامعة...بصح كي كنت فالليسي حاجة وحدو خرى...كنت منحبش العطل علاجال لي نتوحش صحاباتي....ههه

و سوختو الطوايش تاع لاكلاس...الله يرحم هذوك ليامات

كاين واحد الهدرة ديما تتقال
لي روح خير من لي جي
أنا تاني نتوحش إيام الليسي و الصحاب تاع الصح مش صحاب المصلحة لي في الجامعة نهار يقولوك صباح الخير و نهار لا

هههههههه

وي تاع الصح...في الجامعة غير صوالح...لوكان الواحد ما داير فحسابو بلي رح يربح معاك جامي يحوس عليك..اي وي..هذا ما عطا الله

في الحقيقة أنا وليد جابدة روحي شوية في الجامعة..تخلاط بزاف مشي ملاح

و البنات واعرات بزاف بزاف فالجامعة..متعرفيش كامل علاواش راهي ناوية..الله يستر ههه

ما فيهمش لامان كامل سوختو لي مشي من مدينتك...


ربي يحفظك من ناس لي مفيهمش الخير

تعيشي مالي
أنا تاني مانيش مخالطتهم وديما نتفكر واش قلتيلي كيما ديت الباك
براني مانقدرش نقول على وحدة في الجامعة براي صاحبتي
على كل حال لازم على الواحد يعيش في حدود يومه و ما يقلقش روحو بالناس
هو يعمل لي عليه و الباقي على ربي

كثرة الصحاب تخليك بلا صاحب

اون بلوس الطفلة جامي تحب للطفلة الخير كيما يقوول بابا ههه

دايما الغيرة بيناتنا خخخ

صح شوية كاين مبالغة مي الأغلبية ميحبوش تكون صحبتهم خير منهم

يعني الأغلبية يحبو باش يضيعو لي زوتخ مشي ينصحوهم و يعاونوهم

شدي غير في البنات لي يستاهلو

و لي تحبلك الخير تعرفيها بـــ les jestes مشي باللسان الحلو

يعطيك الصحة
كيما يقولوا لايغرك زين الطفلة حتى تشوف الفعايل
بصح الواحد منا لازم يحاول يكون مليح مع الناس الكل

وي تاع الصح..مي مشي مليحة الملاحة بزاف مع شي ناس

يعني عومي و عسي حوايجك..خخ

و كيما يقول المتنبي

إن أكرمت الكريم ملكته********و إن أكرمت اللئيم تمردا

يا خي بسومة في الجامعة تتعلمي بزاف حاجات

خاتش تشوفي المليح و الدوني...و تشوفي بزاف عقيات من بزاف ولايات

شخصيتك تولي كثر قوية و تولي تميزي بين الناس..biensur حاجة ايجابية

يقول أحد الشعراء :و تجلدي للشامتين أريهم***أني لريب الدهر لا أتضعضع
فما من شيء يمر به الإنسان إلا وله جوانب إيجابية و سلبية
فعلى سبيل المثال الخطأ يعلمنا الصواب
و التعب يعلمنا الصبر
مثلما هو الحل مع الناس الذين سيمرون بحياتنا . نتعلم من الخير مثلما نتعلم من السيء

ما شاء الله كلامك جواهر أختي بسومة

بالرغم انك علمية و لكنك تحبين الشعر كثيرا على ما يبدو

الإنسان الحكيم هو الذي يمر على تجارب كثيرة يتعلم منها...يعني لو تقارني نفسك بسنوات سابقة ستجدين نفسك مررت بعدة تجارب صقلت شخصيتك أكثر و أكثر

و ما الدنيا إلا مدرسة نتعلم منها

السلام عليكم
مالي واش راكي اليوم

و عليكم السلام و رحمة الله

الحمد لله بخير بسومة

واش راكي نتيا..لاباس؟

صحا مالي
أنا تاني الحمد لله لاباس

الحمد لله

دزولي حنونة مقبيل بلوكالي بيسي..مريبونديتش عليك ديغاكت