رد: شيخ الشباب فزاع

من طرف **r brigad** 15.02.09 13:02

عَوّضوك بْغيابي

عَوّضوك ْبغيابي لا تقول انّي َوحَشْتـك
لا تجاملْ دخيلك فـي شعـور يْعَنينـي
بَسّ يكفي كفايـه لا تمـادى عَرَفْتـك
خَاين الحب مَا له في فـوادي حَنينـي
إنت ياللي بعيني حِلْم عمـري رسَمْتـك
وكيف تجرح خفوق يعشقك من سنينـي
أحسبه زاد حبّي في غيابـي وْحسَبْتـك
ما تجاهَـلْ وِدَادٍ كـان بينـك وْبينـي
كَم سَهَرت الليالي وكم ليلـه سَهَرْتـك
وكم ليله خَيَالك نام في وسـط عينـي
وكم قل لي دخيلك كم ليـل اْنتظَرتـك
كم قل لي تِفَضّل، كم صَـدّك يجينـي
كنت تجري بْدَمّـي لا نزَفْتـه نزَفْتـك
كنت ساكن خيالي، داخلـي مِحتوينـي
من كتَبْ الحـروف الأبجديّـه كتبتـك
"لامَه" إن كان تبغي أوَّلْ الحرف "سيني"

تـــــابع-->

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **r brigad** 15.02.09 13:05

ثلاث أيّام

ثلاث ايّام مرّن فـي حياتـي غيـرث
لاث ايّام عشـت الحـبّ واغليتـك
ثلاث ايّام واتهجّـى كـلام الطيـر
كلام أعْذَبْ من اعْذبْ مـن تفدّيتـك
رسالة حبّ شاهدْها غـلا وْتعميـر
على فْوادي تربَّعْ واسْكـنْ فْـبيتـك
أقول إشْ قد انا عطشان وانت البيـر
دَلو فكري نَضَحْ من كلمتـي ليتـك
أقول ال(ما يصير) لْعينك انت يْصير
ولو حتى بْثرّيـا الكـون حطّيتـك
حبيبي والغلا صوره بـلا تصويـر
صوَرْها بكل رَمشة عين أنا ريتـك
حبيبـي والعطـا يحتـاج للتقديـر
إذا صرّحت أنا اللي حّيـك وْمَيْتـك
ثلاث ايّام مرّن فـي حياتـي غيـر
ثلاث اّيام عشْـت الحـب واغليتـك
ثلاث ايّام لكن ما ادري شِ التفسيـر
بس.. ادري من ثلاث ايّـام حبّيتـك

مغناه بصرت الفنان عبد المجيد عبدالله..

تــــــابع-->

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **r brigad** 15.02.09 13:09

( ديرة الغربه )

الله يسامحك على كل ما جاني
القلب لعيونك الثنتين عذر به
و الا طموحي براسي و اسأل امتاني
اكبر من اللي على شرواك اجاهر به

تذكرني ايام السعدي و اتناساني
في الضيق و الهم و اللوعات و الكربه
تدري وش الغربه اني داخل اوطاني
و اعيش مثل الغريب بديرة الغربه

لا تعتذر عذر ما يقنع علشاني
و ان كان به عذر تكفى لا تعذر به
لكن تذكر بأن ابن آدم انساني
و الكبر صاحبه له يوم ٍ يحدر به

في الحب ساير تعيش بحب وحداني
وان حارب الناس عقلك ماتفكر به
الاول اللي يعاني مثل ما اعاني
و اليا شعرت بلذيذ الشوق تشعر به

و اللي خفوقي على شوفته طرباني
كل الدروب العفيفه تطمح لدربه
ليه اتحداك لا قمت تحداني
وانا مقامي عن النجمات افاخر به

مغناه بصوت الفنانه اصاله.

تـــــابع-->

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **r brigad** 15.02.09 13:12

الموعد

جيتك على الموعد ولا جيت
وش عـن لقانـا مانعنّـك
كَنّك عن الموعـد تخلّيـت
يا ويـل يَاللـي عاشقنّـك
ليتك لصوت المغرم أصغيت
أوتـار صوتـه يعزفنّـك
كل حرف منّك يستوي بيت
وارْبَـعْ حـروفٍ ينطقنّـك
ياما على شانـك تحدّيـت
سـود اللّيالـي واسهرنّـك
منّك أنا لا حَـيّ لا مَيْـت
لا مَيـتْ ولا حَـيّ منّـك
يوم بْنِظَرْ عينـي تربّيـت
وامرت بامـرك طايعنّـك
ليـش التغلّـي والتعنّـيـت
آهات صدري مـا كفنّـك
لو نِكْ تباعـدت وتقاسيـت
لك في المحبّه عكس ظنّـك
إن كان لي يـوم وتمنّيـت
شوفـة عيونـك طالبنّـك

مغناه بصوت الفنان فايز السعيد

تحياتـــــــي

[ندعوك للتسجيل في المنتدى أو التعريف بنفسك لمعاينة هذه الصورة]