شـايب ولا عمره دخل المستشفى ويوم دخلها.. شوفوا وش سوى

السلام عليكم ورحمة الله وبركاته

’’حكاية شايب يموت ضحك على نياته,, بعد الطفرة التكنولوجية اللي حلت بالمنطقة..’’

احد الشياب الي كانو ساكنين بالبر صكه مرض شديد..

وكانت مبينه عليه آثار المرض وكل مايقولون له عياله.. يايبا..


يابعد كبدي تكفا خل نوديك للطبيب.. يقول لا انا ما اتعالج بغير الكوي


او اموت اشرف لي يعني 'اغسلوا ايدكم اجي وياكم'


فلما اشتد عليه المرض وما قام يحس بنفسه ودوه للمستشفى وتعالج وهو مايدري..


فلما قعد وشاف كل شي حوله بياض السرير .. السستر 'الممرضه'..


الستاير.. حتى الجدران.. والأرضيه بعد


قال الظاهر أني بالجنة الحين.. ولما شاف الممرضه


قال ياحوريه 'على باله الحور العين' تعالي هنيا..


لما جت له قال لها وين ابو فلان.. هو متوفي 'من زمان'

شوفيه قولي له ابو فلان يبي يعرف وش اخبارك ويسلم عليك...


ابو الشباب راهي على باله انه دخل الجنه خلاص


راحت على نياتها اتدور بالسجلات ومالقت هالاسم.. يمين يسار،


فوق تحت مافيه شخص بهالاسم!!


قالت له والله مالقينا صاحبك..


ضحك وقال

إيييييه نعم والله اني خابر أنه قليل صلاة..