[جديد وحصري بعالم المنتديات]-->هنا أول نادي النذالــه

مثل ما وعدت الرها راح أحكيلكم أقوى نذاله عملتها وأعنفاها في حياتي كلها
أحداث هذه القصه تدور في الأردن في جامعة الإسراء عام 1997م
مره كنت أنا واحد من أصحابي وإسمه فايز روحنا من الجامعه
وقررنا نزور شب صاحبنا لإسمه محمد زرناه وسهرنا طول الليل عنده
وبعد السهر وروحنا أنا فايز عنده في البيت وحكالي شورأيك أنا بدي أعمل
بمحمد فلم وأذله فيه وحكاتله كيف يا شاطر حكالي أنا لطشت من ساعته
وفرجاني الساعه وحكالي بكره بذله شوي وبرجعها إله حكاتله صار وتم
تاني يوم الصبح صحي فايز وصاحاني ودخل يغسل فقمت أنا لطشت الساعه
وخبيتها ورجعت نمت ......... ودخل علي فايز معصب ولك قوم ولك قوم
راح نتأخر على باص الجامعه فأنا قمت وغسلت ولبست وطلعت أدور على فايز
لقاته قالب الغرفه كلها سألك ولك شوفي حكالي مش لاقي ساعت محمد حكاتله
بتكون وقعت منك هون أوهون وبحكيلي وهو معصب أنا متأكد أنها هون , وبعد عناء
طلنا من البيت بدنا نلحق باص الجامعه طول الوقت وأنا بهدي فيه وبحكيله بس تروح
بدور براحتك وبتلاقيهاها ..............................
وصلنا الجامعه وكل واحد راح محاظراته ..... وأنا شفت محمد صاحب الساعه
وفهمته على الموضوع وحكاتله هي الساعه خبيها ولا تلبسها وخلينا نعمل فلم بفايز
فرح محمد وحكالي أنا معك ........................
والمسكين فايز يدور على الساعه يوم وإثنين وثلاثه ما لقاها الشب إنهار ومش عارف
كيف بده يحكي لمحمد إنه ضيع ساعته فأنا إقترحت عليه إقتراح وحكاتله إحكيله إلي صار
وإعتذر منه وإحكيله إنك راح تجيبله وحده غيرها ..................
فعلاً راح فايز وتكلم مع محمد وحكاله القصه وحكاله محمد صاحب الساعه وبكل ثقه
ولك عيب إستحي إحنا إخوان وكلها ساعه لا راحت ولا إجت, نوعاً ما فايز إرتاح
بس ضل فكره مشغول وما كان ينام الليل
وبعد مرور عشرة أيام ..... وهون كانت الظربه القاضيه لفايز
مسكت أنا محمد صاحب الساعة وأعطيته خطه شريره جداً
حكاتله بكره الصبح بس تصحى بتتصل على فايز تلفون بتحكيله إنك صحيت وسمعت صوت
منبه الساعه برن جوه خزانتك وهي الساعه بإيدي متأكد إنك أخذتها ..... طبعاً فايز ماتكلم
ولا كلمه بس حكاله إنت كذاب رد عليه محمد بس نتقابل في الجامعه كمان شوي بورجيك
الساعه وبس فايز شاف الساعه بإيد محمد إنجن وما قدر يوقف على رجليه إنهار تماماً
ولي زاد الطين بله هو كان يفكر بيته مسكون لأنه في السنه مره لما يدخله ناس
وهيك إتأكد إنه بيته مسكون وأنا لعبت على هذا الوتر وخليته يهلوس
فعلاً بطل يقدر ينام وماصار يوكل كويس دايماً سرحان وبفكر والشباب مستغربه
وحكالهم فايز إلي صار هما طبعاً الشباب فكروا فيها ومسكوا محمد صاحب الساعه
بدهم يعرفوا القصه منه والأهبل محمد ضغطوا عليه شوي وإعترف بكل شي وهو يضحك
واحد من الشباب كان قلبه حاسه إنه أنا إلي يد في الموضوع وهون قلب السحر على الساحر
الشباب حكوا لفايز القصه كلها وحكوله إنه أنا صاحب الفكره والمنفذ والمخطط
طبعاً فايز كان لسه ضايل فيه شوبة عقل وطاروا ..................
" نبذه عن فايز : فايز لما بده يمزح بكون دفش وإده ثقيله كيف لو ماكان بيمزح"
لمهم أنا كنت قاعد في الكفتيريا وما بعرف شوصاير بره وأنا مبسوط وبضحك
إجاني شب وقلي إنفذ بعمرك وأهرب فايز عرف بقصة الفلم وناويلك على شر
على حظي الحلو الكفتيريا إلها بابين إجيت أهرب من الباب التاني على حظي لقاته مسكر
وأنا مالحقت أطلع من الكفتيريا إلا وفايز قدامي تراجعت دخلت حمام الكفتيريا وفايز وراي
وسكر الباب وكان ماسك بإيده حزام ومش أي حزام , حزام عريض إلي بلبسوه في الجيش
إسمه القايش وما بدي أحكيلكم شوصار فيني أكلت ظرب لحد مادخت والشباب أصحابي
بيضحكوا علي .................................
وهيك خلصت القصه بس لهذا اليوم مش ناسيها إلي :lol!:

شرير أنا صح :125: