منتدى إشراقة الجزائر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اوعى تذااااااااااكر

5 مشترك

اذهب الى الأسفل

اوعى تذااااااااااكر Empty اوعى تذااااااااااكر

مُساهمة من طرف mona2010 02.06.09 4:27

بقلم : د.شريف عرفة


زي ما احنا عارفين كلنا مشغولين في الامتحانات..


لكن خلّيني أسألك سؤال..


تحب تعرف أفضل الطرق للمذاكرة؟
تحب تشوف الذاكرة بتاعتنا ماشية ازاي؟
تحب تخلي ذاكرتك دي طوع إرادتك؟


أيوه؟
يبقى اقرا الموضوع ده..


امتحانات × امتحانات


طبعا الكلمة دي بتعمل عندنا قلق والبيت كله بيعلن حالة الطوارئ القصوى..
خصوصا لو كان في البيت واحد في الثانوية العامة.. مش كده؟

النهارده هاقول لك أفكار رائعة هتساعدك وإنت بتذاكر..
الأفكار دي هتساعدك تعرف أفضل الطرق للمذاكرة وتثبيت المعلومات..

خلي بالك إن كاتب السطور جاب 99% في الثانوية العامة..
يعني جربت الحاجات دي قبل ما أقولها لكم..
وإن شاء الله كلنا نجيب أكتر من كده ونكون كلنا متفوقين...


أنواع الذاكرةعشان نعرف نذاكر لازم نعرف الأول الذاكرة بتاعتنا بتشتغل ازاي..
وعن طريق معرفتنا دي ممكن نستخدمها أفضل استخدام..

الذاكرة أيها السادة نوعان..

ذاكرة قصيرة الأمد، وأخرى طويلة الأمد.


1- الذاكرة قصيرة الامد

النوع ده من الذاكرة هو اللي متخزن فيه المعلومات العابرة خلال اليوم..


سؤال:

فطرت إيه النهارده؟
عملت إيه امبارح؟


المعلومات دي بتبقى معانا لفترة قصيرة وبعدين ممكن تنساها...
لو سألتك الأسئلة دي بعد سنتين.. ممكن ماتبقاش فاكر إنت فطرت إيه من سنتين!

الذاكرة قصيرة الأمد بتتخزن بسرعة عن طريق العقل اللاواعي..
والذاكرة قصيرة الأمد دي سعتها 7 زائد أو ناقص معلومتين في المرة الواحدة..

عايز تعرف ازاي؟

يبقى العب معايا اللعبة دي:

تمرين:

احفظ الرقم اللي قدامك ده:

123313414515
ماعرفتش تحفظة؟؟

عادي
كمل معايا علشان تعرف ليه؟

الرقم اللي قريناه من شوية ده.. ماعرفناش نحفظه بسرعة عشان زي ما قلت لك..
الذاكرة قصيرة الأمد بتشيل بس 7 معلومات زائد أو ناقص اتنين (من 5 إلى 9 معلومات في المرة)..

فالرقم اللي شفناه ده مكون من 12 رقما.. يعني 12 معلومة..
عشان كده صعب على الذاكرة قصيرة الأمد إنها تشيله...

يبقى إيه الحل؟

عشان تحط الرقم ده بسهولة في الذاكرة قصيرة الأمد..
ممكن تلعب لعبة جامدة جدا.. ممكن بدل ما تخليه 12 معلومة..
تخليه 4 معلومات بس!


عارف ازاي؟

بص على نفس الرقم لما كتبناه بأسلوب تاني:
123
313
414
515

سهل يتحفظ كده.. صح؟

كل اللي عملناه إننا قسمنا الرقم بشكل تاني..
بحيث نحفظ كل شوية مع بعض (مش رقم رقم زي الأول..
الرقم الطويل بقى 4 معلومات بس.. فبقى أسهل!


قاعدة مهمة:

عشان تعرف تحفظ.. قسم المعلومات الكبيرة بطريقة سهلة الحفظ..
واربط بين المعلومات وبعضها عشان تحفظها أسهل..

2- الذاكرة طويلة الأمد..

دي الذاكرة اللي بتشيل المعلومات المهمة جدا اللي من الصعب جدا إنها تتنسي..

مثال:

اسمك إيه؟
رقم تليفونك كام؟

وكده يعني..

والذاكرة دي عشان تتكون لازم تقوم بشوية مجهود في الأول..
بعد كده هتثبت بطريقة رائعة..

وهي دي المذاكرة بقى..


يعني إيه مذاكرة؟

المذاكرة دي ببساطة هي
إنك تنقل المعلومات من الذاكرة قصيرة الأمد، للذاكرة طويلة الأمد..

عشان كده لما حد يقول لك: عايزك تحفظ الدرس ده زي اسمك،
يبقى كأنه بيقول لك: عايزك تحفظ الدرس ده بالذاكرة طويلة الأمد!لكن لو ذاكرت درس ونسيته تاني يوم.. تبقى بتستخدم الذاكرة قصيرة الأمد بس.


ازاي ننقل المعلومات للذاكرة طويلة الأمد؟

عشان ننقل المعلومات للذاكرة طويلة الأمد لازم نقوم ببعض المجهود زي ما قلنا..
لكن النتيجة بتكون رائعة..


1-التكرار:

هيخلّي عقلك يتعامل مع المعلومة باهتمام لأنها بتتكرر.. تبقى مهمة بالنسبة لك..


2-استخدام مراكز المخ المختلفة:

الطريقة دي مؤثرة وفعالة جدا..

- إنت بتذاكر بعينك: يعني مراكز الإبصار في المخ اشتغلت على المعلومة دي..
- اكتب وإنت بتذاكر: هيخلي مراكز المخ المخصصة بعملية الكتابة تشتغل على المعلومة دي..
- سمّع اللي ذاكرته: نشطت مراكز الذاكرة ومركز الكلام اشتغل برضه على نفس المعلومة لو كنت بتسمّع بصوت..


بالطريقة دي المعلومة تغلغلت جواك بأكتر من طريقة.. يبقى ألف مبروك!


3-الحالة الذهنية:

وإنت بتذاكر المعلومة حط في دماغك إنك بتذاكرها عشان تفضل على طول وتفيدك طول حياتك..
لو ذاكرتها على اعتبار إنها معلومة مؤقتة عايزها للامتحان بس,
عقلك هيتعامل معاها على إنها معلومة تافهة
ويحطها في الذاكرة قصيرة الأمد زي ما إنت طلبت منه!
تخيل إنك بتحفظ المعلومات دي لأنك هتحتاجها بعد سنين طويلة..
تخيل كده مش هتخسر حاجة.. وهتندهش من النتيجة الرائعة اللي هتتحقق..

بالطرق دي هتلاقي إن اللي حفظته ده هينتقل للذاكرة طويلة الأمد
وهتلاقي نفسك حققت النتيجة اللي إنت عايزها..
وابقى ادعي لي



مش كده وبس.. فيه طرق تانية هتساعدك على المذاكرة هنقولها العدد الجاي.. بس اهتم بدول قوي لأنهم مهمين.
فيه حكمة جميلة جدا بتقول:

..Its not about how good you are
! Its about how good you want to be


يعني مش مهم إنت تكون كويس.. الأهم إنت عايز تكون كويس لأي درجة!

يعني إيه الكلام ده؟

يعني خليك متطلع.. بص لفوق..
اعرف إن لو إنت عايز تحقق نتائج رائعة يبقى هتوصل أكتر من واحد يائس..
إيه علاقة ده بالمذاكرة؟ لازم نعرف إن توقعاتنا هي اللي بتحدد مستقبلنا..
راقب حالتك الذهنية وإنت بتذاكر..



سؤال:
هل بتذاكر عشان تتفوق؟
هل بتذاكر عشان تطلع الأول؟
ولاّ بتذاكر عشان تعدي وخلاص؟؟

لو كنت بتذاكر عشان تعدي وخلاص
اعرف إن ده أمر للعقل اللا واعي إن مجهودك الذهني مايزيدش عن مرحلة (أعدي وخلاص)..
مجرد توقعك إنك مش شاطر قوي هيخليك تبذل -لا إراديا- مجهود أقل في المذاكرة..


نعمل إيه؟

وإنت بتذاكر حط في دماغك التالي:

أنا باذاكر عشان أتفوق.. ماحدش أحسن مني في أي حاجة..
أنا باذاكر عشان أطلع الأول على كل اللي أعرفهم..
لو ذاكرت بالحالة الذهنية دي..
هتحقق نتائج أكتر بكتير من اللي كنت هتحققها لو كنت بتذاكر عشان (تعدي وخلاص)..


وخلي بالك:

((اللي بيذاكر عشان يطلع التاني.. عمره ما هيطلع الأول!!))عرفت بقى؟

الفكرة دي مش هتكلفك أي حاجة.. وإنت قاعد قدام الكتاب أو المذكرات اللي بتذاكر منها..
حط في دماغك الفكرة دي.. إن إنت بتذاكر ده عشان تتفوق بيه وتطلع الأول..

ملحوظة:

راقب الحالة الذهنية اللي كنت بتذاكر بيها قبل كده وحققت معاك نتيجة رائعة..
كرر الحالة الذهنية دي..
بتذاكر ليه؟

أي حاجة بنعملها بيبقى لها دافع معين.. إيه هو الدافع اللي بيخليك تذاكر؟
يعني بتذاكر عشان ترضي والديك؟ بتذاكر وخلاص؟بتذاكر عشان لازم تذاكر؟

فيه نوعين من الدوافع.. خارجية وداخلية

الدوافع الخارجية:

هي الدوافع اللي خارجنا ومالناش سيطرة عليها.. يعني مثلا: "لو ذاكرت هاجيب لك كورة!"
الولد ده الدافع بتاعه اللي بيخليه يذاكر هو الكورة..

النوع ده من الدوافع قوي جدا وبيدي نتائج..
لكن عيبه إنه غير مستمر في الزمن..
وبينتهي الإنجاز بانتهاء الدافع الخارجي..

يعني اللي بيذاكر عشان الكورة.. مش هيذاكر بعد ما تجيله الكورة!
ومش هيذاكر لو ماكانش فيه هدية للمذاكر!

يبقى النوع ده من الدوافع مش مضمون ومش لازم نخليه دافع رئيسي لينا..

الدوافع الداخلية:

هي الدوافع الموجودة جوانا احنا.. إنت بتذاكر ليه؟ إيه الهدف الموجود جواك وعايز تحققه بالمذاكرة؟
النوع ده من الدوافع مستمر في الزمن ومش بيتأثر بالظروف اللي حوالينا، ببساطة لأنه جوانا احنا..

يعني الولد يكون بيذاكر مش عشان الكورة تجيله..
لكن بيذاكر عشان:الإحساس بالإنجاز..يصنع مستقبله..
يشعر إنه عمل اللي عليه..

لو هي دي الدوافع بتاعته يبقى هيتفوق بجدارة..
حط لنفسك دافع داخلي وخليه هو اللي يحركك..
إنت عايز تتفوق لأن إنت عايز تتفوق.. مش عشان أي حاجة تانية..الإجهاد الذهني..

فيه فكرة خاطئة بتتقال عن المتفوقين..

تلاقيهم بيقولوا: ياااه.. ده قعد يذاكر 12 ساعة ورا بعض.. إيه التفوق ده؟!!
اسمحوا لي أقول لكم: ده غير صحيح بالمرة..
لا بد من فترات للراحة الذهنية.. ما تواصلش التركيز لفترات طويلة عشان هتفصل..


نعمل إيه يعني؟

المخ بيشعر بإجهاد زي أي عضو في جسمنا..
لو حسيت بالإجهاد سيب اللي في إيدك.. لمجرد دقائق بس..

في الدقائق دي استرخي وماتفكرش في أي حاجة..
غمض عينيك..
تنفس بعمق وفي بطء..
ماتركزش إلا في تنفسك..



بالطريقة دي إنت عملت استرخاء ذهني تام.. لو عارف في اليوجا أو التأمل يبقى زي الفل.. بس.

الخلاصة هي:

الاسترخاء الذهني لفترة قصيرة.. وماتفكرش في أي حاجة.
بعدها روح اشرب لك عصير أو حاجة وارجع واصل المذاكرة..
(بس ماتعملش فيها ناصح وتسيب المذاكرة وتنزل تلعب كورة مع الشلة وتقول د."شريف" قال لي لازم راحة..
أنا قلت راحة ذهنية لمدة دقائق.. بلاش الحركات القرعة دي يا صديقي!)
ما المذاكرة؟
كلنا للأسف بنكره الكلمة دي.. لأننا ربطناها بالحرمان من اللعب والتليفزيون
وربطناها بالسهر والإرهاق.. وده غير صحيح بالمرة...

لو ربطنا المذاكرة بالألم هنلاقي إنها شيء غلس ومش عايزين نعمله..
لكن لو غيرنا المفهوم بتاع المذاكرة.. هيتغير موقفنا ناحيتها!!




سؤال:

ما مفهومك للمذاكرة؟

شر لا بد منه؟
شدة وتزول؟


لو كانت دي نظرتك ليها فدي مشكلة..
إنت ممكن تستمتع بيها وتعجبك جدا جدا.. لو غيرت نظرتك ليها..


يعني مثلا:

ما مفهومك للمذاكرة؟

تحدي لقدراتي وهانجح فيها بجدارة لأن أنا أحسن من أي حد..
دي الخطوة اللي فاضلة عشان أحقق المستقبل اللي باحلم بيه..



سؤال:

نفسك في إيه في الحياة؟
إيه أهم حاجة نفسك تحققها؟


مهما كانت الحاجة دي.. المذاكرة هي طريقك ليها..
فكر في الموضوع كده هتلاقي كلامي صح..
وإنت رايح تذاكر فكر فيها من الناحية دي..
هي دي الخطوة اللي هتحقق لي الحلم اللي نفسي أحققه..


الذاكرة البصرية

الذاكرة البصرية بتعتمد أساسا على الصور والأشكال والرسوم..
عشان كده لازم تستخدم الخاصية دي في كل حاجة بتذاكرها على قد ما تقدر..


عشان كده لازم:

1.تذاكر من مصدر واحد بس:

لو عملت كده هتلاقي شكل الصفحة نفسه انطبع في ذهنك بعد فترة ويسهل لك استرجاع المعلومة..
لازم تذاكر من مصدر واحد وتثبت عليه طول الوقت..
لأن عقلك مش بيحفظ المعلومة بس.. ده بيحفظ شكل الصفحة ومكان المعلومة..


2.ارسم..!

دي حركة كنت باعملها وأنا في الثانوية العامة على اعتبار إن ذاكرتي بصرية..
يعني اختراع مسجل رسميا باسمي ..

لما تلاقي فيه نقاط كتير في الموضوع وتلاقي نفسك مش فاكر النقاط دي كلها..
ارسم لكل فكرة رسمة صغيرة تعبر عنها..

الرسمة دي مش لازم تكون جميلة أو رائعة..
مجرد رسمة مرسومة بسرعة لكن تعبر عن الفكرة نفسها..
لما تيجي في الامتحان هتكتشف إن الرسومات الصغيرة دي سهل استرجاعها جدا..يعني مثلا:
ما إنجازات "محمد علي"؟

فتح أبواب مصر على مصراعيها لكل وافد، ولأول مرة يصبح التعليم منهجيا
وأنشأ المدارس. وأوجد زراعات جديدة كالقطن واعتنى بالري وبنى المصانع..........
رخمة مش كده؟



طيب لو رسمناها

الرسومات هتخلي الموضوع سهل الحفظ جدا..
ده حتى إنت حفظته دلوقتي وإنت بتقرا الموضوع!
لو شايف الأسلوب ده مريح بالنسبة ليك اعمله..
لو مش مستريح له يبقى بلاش تجرب حاجة جديدة قرب الامتحانات..



كلمة أخيرة

اتكلمنا عن أساليب وأفكار ممكن تساعدنا في المذاكرة.. أهم حاجة لازم تعرفها بقى وإنت بتذاكر هي التالي:

1.ماتجربش حاجة جديدة تماما عليك في فترة الامتحانات..
2.جرب الأسلوب اللي ذاكرت بيه قبل كده وادالك النتيجة اللي إنت عايزها..
(ما حالتك الذهنية وقتها؟ كنت بتذاكر فين وازاي؟).
3.الأساليب دي خليها معاك وخليها في بالك للامتحانات الجاية..
جرب الأساليب المختلفة واثبت على الأسلوب اللي يريحك ويدي معاك نتيجة كويسة..



وألف مبروك مقدما على التفوق والنجاح.. وربنا يوفقنا جميعا..
mona2010
mona2010
مشرفة عامة ومديرة نادي الإيجابية
مشرفة عامة ومديرة نادي الإيجابية

انثى
المساهمات : 5055
النقاط : -414
التقيم : 49
السن : 43
الجنسية : مصر
المزاج : اوعى تذااااااااااكر 2210
المهنة : اوعى تذااااااااااكر Unknow10
الهواية : اوعى تذااااااااااكر Unknow11
السمعة : اوعى تذااااااااااكر 111010
رسالة sms خدمة sms من إشراقة الجزائر

الرجوع الى أعلى الصفحة اذهب الى الأسفل

اوعى تذااااااااااكر Empty رد: اوعى تذااااااااااكر

مُساهمة من طرف r brigad 02.06.09 17:04

نصائح جيدة أختي منى

شكرا لك

تحياتـــي



[ندعوك للتسجيل في المنتدى أو التعريف بنفسك لمعاينة هذه الصورة]
r brigad
r brigad
مدير المنتدى
مدير المنتدى

ذكر
المساهمات : 48710
النقاط : 45548
التقيم : 202
السن : 35
الجنسية : المملكة المغربية
نوع المتصفح : الفايرفوكس
المزاج : اوعى تذااااااااااكر 8010
المهنة : اوعى تذااااااااااكر Doctor10
الهواية : اوعى تذااااااااااكر Chess10
السمعة : اوعى تذااااااااااكر 111010
رسالة sms

جميل أن تحس أنه هناك من يحبـك ويقدرك، لكن صعب أن تعلم أنه بدرجة حبك بدرجة صعوبة الموقف!!





إمضاء مصغر : اوعى تذااااااااااكر Avatar-8cb4400b3b03daf22cac1d5e59a07a0a

http://www.malina.expressif.fr rbrigad

الرجوع الى أعلى الصفحة اذهب الى الأسفل

اوعى تذااااااااااكر Empty رد: اوعى تذااااااااااكر

مُساهمة من طرف mona2010 02.06.09 17:22

العفو اخي بريجاد
واتمنى الاستفاده للجميع
mona2010
mona2010
مشرفة عامة ومديرة نادي الإيجابية
مشرفة عامة ومديرة نادي الإيجابية

انثى
المساهمات : 5055
النقاط : -414
التقيم : 49
السن : 43
الجنسية : مصر
المزاج : اوعى تذااااااااااكر 2210
المهنة : اوعى تذااااااااااكر Unknow10
الهواية : اوعى تذااااااااااكر Unknow11
السمعة : اوعى تذااااااااااكر 111010
رسالة sms خدمة sms من إشراقة الجزائر

الرجوع الى أعلى الصفحة اذهب الى الأسفل

اوعى تذااااااااااكر Empty رد: اوعى تذااااااااااكر

مُساهمة من طرف فيصل 04.06.09 13:28

معلوووومات رائـــعه جدا . . .


شوووكرن جزيـــــلا
فيصل
فيصل
مشرف فئة من هنا وهناك
مشرف فئة من هنا وهناك

ذكر
المساهمات : 28248
النقاط : 10294
التقيم : 50
السن : 34
الجنسية : المملكة العربية السعودية
نوع المتصفح : الفايرفوكس
المزاج : اوعى تذااااااااااكر 3410
المهنة : اوعى تذااااااااااكر Collec10
الهواية : اوعى تذااااااااااكر Riding10
السمعة : اوعى تذااااااااااكر 111010
رسالة sms اوعى تذااااااااااكر 01ibyoz19

مٌآُهمُنُيُ كثــر آلحُـْـكُي وآلمـْعـآُنـُدْ ..
مُآُدْآمُ فْيُ رْآُسْيُ ْشُيْ .. [ لُآزُمُ ُآسْوُيـُهُ ..!!

الرجوع الى أعلى الصفحة اذهب الى الأسفل

اوعى تذااااااااااكر Empty رد: اوعى تذااااااااااكر

مُساهمة من طرف mona2010 04.06.09 18:44

العفو
مشكور فيصل علي المرور الحلو
mona2010
mona2010
مشرفة عامة ومديرة نادي الإيجابية
مشرفة عامة ومديرة نادي الإيجابية

انثى
المساهمات : 5055
النقاط : -414
التقيم : 49
السن : 43
الجنسية : مصر
المزاج : اوعى تذااااااااااكر 2210
المهنة : اوعى تذااااااااااكر Unknow10
الهواية : اوعى تذااااااااااكر Unknow11
السمعة : اوعى تذااااااااااكر 111010
رسالة sms خدمة sms من إشراقة الجزائر

الرجوع الى أعلى الصفحة اذهب الى الأسفل

اوعى تذااااااااااكر Empty رد: اوعى تذااااااااااكر

مُساهمة من طرف Al Raha 04.06.09 20:28

تسلمين منى

معلوماات جداا مميزه
Al Raha
Al Raha
ღ♥ღV.I.Pღ♥ღ
ღ♥ღV.I.Pღ♥ღ

انثى
المساهمات : 31631
النقاط : 9715
التقيم : 106
الجنسية : الإمارات العربية المتحدة
نوع المتصفح : الفايرفوكس
المزاج : اوعى تذااااااااااكر 8010
المهنة : اوعى تذااااااااااكر Unknow10
الهواية : اوعى تذااااااااااكر Unknow11
السمعة : اوعى تذااااااااااكر 111010

الرجوع الى أعلى الصفحة اذهب الى الأسفل

اوعى تذااااااااااكر Empty رد: اوعى تذااااااااااكر

مُساهمة من طرف mona2010 05.06.09 2:00

مرورك هو المميز رهاوي
اتمنى لكي النجاح والتفوق
mona2010
mona2010
مشرفة عامة ومديرة نادي الإيجابية
مشرفة عامة ومديرة نادي الإيجابية

انثى
المساهمات : 5055
النقاط : -414
التقيم : 49
السن : 43
الجنسية : مصر
المزاج : اوعى تذااااااااااكر 2210
المهنة : اوعى تذااااااااااكر Unknow10
الهواية : اوعى تذااااااااااكر Unknow11
السمعة : اوعى تذااااااااااكر 111010
رسالة sms خدمة sms من إشراقة الجزائر

الرجوع الى أعلى الصفحة اذهب الى الأسفل

اوعى تذااااااااااكر Empty رد: اوعى تذااااااااااكر

مُساهمة من طرف Malina 08.09.09 3:40

أسلوب رائع جدا في الشرح

وحبيت لموضوع كثيرا

شكرا لك يا غالية

aman
Malina
Malina
مديرة المنتدى
مديرة المنتدى

انثى
المساهمات : 23028
النقاط : 24874
التقيم : 68
السن : 36
الجنسية : الجزائر
نوع المتصفح : الفايرفوكس
المزاج : اوعى تذااااااااااكر 6310
المهنة : اوعى تذااااااااااكر Collec10
الهواية : اوعى تذااااااااااكر Writin10
السمعة : اوعى تذااااااااااكر 111010
رسالة sms اوعى تذااااااااااكر Sa-6a6f41d039
everybody makes mistakes:
that' s why they put erasers on pencils


https://malina.yoo7.com 14

الرجوع الى أعلى الصفحة اذهب الى الأسفل

اوعى تذااااااااااكر Empty رد: اوعى تذااااااااااكر

مُساهمة من طرف mona2010 27.03.10 2:18

العفو مالي
شكرا لكي علي تواجدك
mona2010
mona2010
مشرفة عامة ومديرة نادي الإيجابية
مشرفة عامة ومديرة نادي الإيجابية

انثى
المساهمات : 5055
النقاط : -414
التقيم : 49
السن : 43
الجنسية : مصر
المزاج : اوعى تذااااااااااكر 2210
المهنة : اوعى تذااااااااااكر Unknow10
الهواية : اوعى تذااااااااااكر Unknow11
السمعة : اوعى تذااااااااااكر 111010
رسالة sms خدمة sms من إشراقة الجزائر

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى