أشجع رجل ....

من طرف **Al Raha** 31.08.08 10:26

:ШН

أشجع رجل

الله يجازي مـن يسـوي سواتـك ... وبذنوب من سوى سواتك يجازيـك

مشيت درب الثقـل وتحـب ذاتـك ...ماتـدري انـه للمهالـك يـوديـك

غـرك جمالـك ياخسـاره حلاتك ....ماتدري ان ماغير طبعـك يحليـك

بتقـول زينـك يشفـع لسيـآتـك ....الحسن ماهو عن وفا الحب يعفيـك

لوالتواضع والوفـا مـن سماتـك ... بعت الحبايب كلهم ديـن واشريـك

لكـن عجـزت اغيـرك ياجراتـك ....على الغياب اللي بلا عـذر ينجيـك

خطاي في توضيح وشـي غلاتـك ....وخطاك في توضيح وشـو تغليـك

وشلون توصيني وتنسـا وصاتـك ....وتصد عن صوتن تقطـع يناديـك

مافاتـك التجريـح والعـذر فاتـك ...وتبغي الراي الحين ماعـاد يمديـك

صحيح احبك بـس هـاذي جزاتـك ....بعلمـك درس يفيـدك ويحيـيـك

تدري وش ابيض من خفوقك عباتك ...وتدري وش اللي غرني نظرتي فيك

ادري بتستغـرب تصبـر وجاتـك ... قصيدة مـن واحـد كـان يبغيـك

وتبغي تناظر وانت عايش مماتـك ... شف وحدتك والناس تجلس حواليك

وتبغي تشوف اشجع رجل في حياتك ... شفني وانا راحل على كثر ماغليـك

للشاعر الكبير: محمد بن فطيس المري

لمن يريد مشاهدته أثناء الإلقاء

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **angie** 31.08.08 14:49

كلام جميل

من طرف **Al Raha** 31.08.08 19:56

:FGYU:

من طرف **شاعر الشوق** 31.08.08 20:27

الله الله الله الله الله يا الرها
تختاري اللي انا أريده
صحيح ......
انا نفسي ابعت ها القصيد لاحد الناس لكن ما يفهم الشعر النبطي :pleure:
يستحق لقب شاعر المليون